Fel partner cyflenwi sydd newydd ei benodi, bydd ArloesiAber yn arwain y cysylltedd rhwng arloesedd bwyd a diod a'r sector academaidd yng Nghymru ac yn darparu Cynllun Prawf Cysyniad y rhaglen, a ddyluniwyd i gefnogi camau cynnar arloesi cynnyrch a phroses.
Mae Rhaglen Helix yn ymdrech gydweithredol sy'n dwyn ynghyd arbenigedd pedwar partner allweddol: ArloesiAber, Canolfan Diwydiant Bwyd ZERO2FIVE ym Mhrifysgol Metropolitan Caerdydd, Canolfan Bwyd Cymru yng Ngheredigion, a Chanolfan Technoleg Bwyd Coleg Menai yn Llangefni.
Wedi'i gwreiddio yn uchelgeisiau Deddf Llesiant Cenedlaethau'r Dyfodol (Cymru), nod Rhaglen Helix yw grymuso busnesau diod a bwyd-amaeth i hybu cynhyrchiant, hyrwyddo cynaliadwyedd, a chyflenwi gwerth hirdymor i gymunedau ac economi Cymru.
Mae Cynllun Prawf Cysyniad ArloesiAber yn canolbwyntio ar gymorth sy'n cael ei yrru gan gysyniad, gan helpu busnesau i gynllunio gofynion dilysu syniadau arloesol, asesu galluoedd dichonoldeb yng Nghymru, a sefydlu'r sylfaen dechnegol ar gyfer datblygu yn y dyfodol. Mae'r cynnig hwn yn arbennig o werthfawr i entrepreneuriaid a chwmnïau newydd sy'n gweithio ar arloesi cynhwysion, bwydydd newydd, neu ddatblygu cynnyrch naturiol.
“Rydym yn falch iawn o ddod â'n harbenigedd unigryw i Y Rhaglen Helix, meddai Dr Rhian Hayward MBE, Prif Swyddog Gweithredol ArloesiAber. Ein rôl yw helpu entrepreneuriaid a busnesau i symud yn hyderus o syniad i effaith, gyda chymorth strwythuredig, dan arweiniad arbenigwyr sy'n tynnu'r risg o arloesedd ac yn eu paratoi ar gyfer llwyddiant hirdymor. Mae ArloesiAber yn falch iawn o ymuno â'r partneriaid i ategu at y galluoedd a'r gefnogaeth sylweddol sydd eisoes ar gael yng Nghymru ar gyfer arloesi bwyd a diod.
”
Mae'r broses ymgeisio am gymorth yn syml: llenwch ffurflen Mynegi Diddordeb fer, a'i chyflwyno i helix@aberinnovation.com. Gyda galwad agored treigl tan 31 Ionawr 2026, nid oes terfynau amser penodol - gall busnesau wneud cais pan fyddant yn barod.
“Dywedodd y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig Huw Irranca-Davies: Rwy'n falch iawn o weld ArloesiAber yn ymuno â Rhaglen Helix wrth i ni barhau i gryfhau safle Cymru fel arweinydd ym maes arloesi bwyd a diod. Mae'r bartneriaeth hon yn dwyn ynghyd rai o'n sefydliadau academaidd a'n canolfannau arloesi gorau i gefnogi busnesau ar bob cam o'u taith, o fusnesau newydd uchelgeisiol i gynhyrchwyr sydd wedi ennill eu plwyf sydd eisiau torri tir newydd. Mae'r Rhaglen Helix yn ymgorffori'n berffaith ein hymrwymiad i adeiladu Cymru fwy ffyniannus a chynaliadwy. Trwy gysylltu ymchwil arloesol â heriau busnes yn y byd go iawn, rydym yn helpu cwmnïau bwyd a diod yng Nghymru i ddatblygu'r atebion arloesol a fydd yn gyrru cynhyrchiant, yn creu swyddi, ac yn gosod Cymru ar flaen y gad yn y chwyldro bwyd byd-eang.
Gydag arbenigedd ArloesiAber o fewn arloesi cyfnod cynnar bellach yn ychwanegu cryfderau presennol ein partneriaid yn Helix, rydym yn creu ecosystem lle gall syniadau gwych o Gymru ffynnu. Dyma'r union fath o ddull cydweithredol a fydd yn ein helpu i gyflawni ein cenadaethau economaidd wrth aros yn driw i egwyddorion Deddf Llesiant Cenedlaethau'r Dyfodol.
”
Mae'r cynnig hwn yn agored i gwmnïau o bob maint yng Nghymru ac ar draws y gadwyn gyflenwi bwyd a diod - o fusnesau a chynhyrchwyr newydd i frandiau sydd wedi ennill eu plwyf.
I gael gwybod mwy neu i wneud cais, ewch i: https://aberinnovation.com/development-hub/the-helix-programme-y-rhaglen-helix