Cynhaliwyd digwyddiad holi ac ateb yn ddiweddar yn ArloesiAber, drwy gydweithio â thîm Ymchwil, Busnes, ac Arloesi Prifysgol Aberystwyth, a dyma’r brif neges glir: nid rhywbeth buddiol yn unig yw cydweithredu rhwng y meysydd academaidd a diwydiannol - erbyn hyn y mae’n dod yn elfen hanfodol.
Daeth ysgolheigion sydd eisoes yn gweithio gyda diwydiannau, yn ogystal ag arweinwyr y cyfadrannau, a phartneriaid yn y sector cyhoeddus o Lywodraeth Cymru ac Innovate UK at ei gilydd mewn digwyddiad meithrin cysylltiadau. Roeddent yn trafod pam mae partneriaethau yn bwysicach nawr nag erioed - yn ogystal â’r manteision o ran creu gwerth i brifysgolion, busnesau, myfyrwyr, a’n cymdeithas.
Yn fwyfwy, mae prifysgolion yn sicrhau bod eu hymchwil yn ymwneud â heriau’r byd go iawn. Mewn amrywiaeth o feysydd academaidd, mae ymchwil gymhwysol â chefnogaeth ariannol masnachol wedi dod i’r blaen, yn hytrach na’r ymchwil a wreiddir mewn chwilfrydedd. Nid yw hwn yn digwydd oherwydd bod pobl yn llai chwilfrydig, ond oherwydd bod effaith ymchwil yn cryfhau.
Bydd prifysgolion ar eu hennill o gydweithio â diwydiant drwy:
Bydd y diwydiannau yn elwa’n ymarferol i’r un graddau: dadansoddiadau cadarn, technolegau blaenllaw, a dealltwriaeth wedi’i seilio ar dystiolaeth sy’n gallu lleihau’r risgiau a chreu manteision yn y farchnad.
Felly, cyfuniad o ddarganfod a darparu yw cydweithredu.
-Galluogi Diwydiannau i Arbed Arian ac Amser
Yn ôl un ysgolhaig blaenllaw o Adran Gyfrifiadureg Prifysgol Aberystwyth, mae cydweithredu ar ymchwil am ansawdd dŵr wedi galluogi partneriad diwydiannol i gasglu data hanfodol a oedd yn golygu eu bod wedi llwyddo i osgoi camgymeriadau drud wrth iddynt ehangu. Mae ei phrofiad hi’n tystio i ffaith syml: gall defnyddio arbenigedd academaidd leihau’r risgiau wrth arloesi.
Yn eu tro, gall ysgolheigion fanteisio hefyd, er enghraifft drwy:
Nododd y panel na ddefnyddir cyfnewid gwybodaeth yn ddigon o hyd, er ei fod ymhlith yr arfau mwyaf grymus sydd gan brifysgolion.
Mae cymorth ar gael drwy raglenni sy’n gysylltiedig ag Academi Frenhinol Peirianneg a chymrodoriaethau arloesi sy’n gallu helpu academyddion i gymryd y camau cyntaf hynny i waith cydweithredol.
-Llwybrau Cryfach ar gyfer Meithrin Dawn
Heddiw, mae myfyrwyr yn awyddus i gael llwybrau a fydd yn arwain i gyrfaoedd mewn diwydiant yn y dyfodol. Os ydym yn darparu prosiectau ymchwil sy’n cysylltu â heriau masnachol, byddwn yn denu darpar fyfyrwyr medrus ac uchelgeisiol sydd am greu waith sy’n bwysig y tu allan i gyhoeddiadau academaidd.
-Diwylliant Ymchwil sy’n Fwy Proffesiynol
Drwy gydweithredu â diwydiant, gellir datblygu sgiliau sy’n cryfhau gyrfaoedd academaidd ac enw da’r sefydliad, sef rheoli prosiectau, cyfathrebu, a meddwl yn strategol.
-Effeithio ar ein Bro a’n Byd
Fel sefydliad yng nghefn gwlad, mae gan Brifysgol Aberystwyth gyfrifoldeb dros gynnal y fio-economi a diogelu diwydiannau lleol drwy arloesi a defnydddio sgiliau technegol. Gall cydweithio ddiogelu ffyniant y fro wrth gyfrannu at atebion i heriau byd-eang.
Daeth neges drosodd a thro oddi wrth y lleisiau diwydiannol, sef thema syml ond hefyd yn gryf:
Rhaid dechrau cydweithredu drwy gydweithredu
Ystyr hynny yw:
Pan fo’r ddwy ochr yn llunio prosiectau ar y cyd, mae’r canlyniadau’n gryfach ac mae’r effeithiau’n ehangach.
Mae’r rhwydweithiau cefnogi sydd ar gael i ysgolheigion sydd am gydweithredu’n tyfu, gan gynnwys:
Rhaid pwysleisio bod gwaith cydweithredol a meddwl heb orwelion yn gallu cyd-fynd â’i gilydd. Mae llawer o bartneriaethau llwyddiannus yn dechrau oherwydd chwilfrydedd, trafodaethau, a cysylltiadau annisgwyl.
Pan fo dychmygu a gweithredu’n dod at ei gilydd, mae arloesi’n ffynnu.
Gan amlaf, mae ymchwilwyr yn dod i’r byd academaidd er mwyn gwneud gwahaniaeth er gwell. Mae cydweithredu â diwydiant yn darparu llwybr cyflymach rhwng yr ymchwil a’r effaith.
Ysgolheigion: chwiliwch am y gefnogaeth sydd eisoes ar gael, cysylltwch â darpar bartneriaid yn gynnar, a meddyliwch am gydweithredu fel rhywbeth sy’n ychwanegu at ragoriaeth ymchwil, yn hytrach na rhywbeth sy’n ei disodli.
Diwydiant: trafodwch yn agored, trafodwch y heriau, a chyfrannwch at lunio’r ymchwil o’r cychwyn.