Mae ein gwaith yn cyfateb yn uniongyrchol i genhadaeth allweddol o fewn strategaeth ddiwydiannol fodern Llywodraeth y DU. Mae'r berthynas gyfatebol hon yn golygu bod cwmnïau sy'n gweithio gyda ni yn aml mewn sefyllfa dda i gael cyllid arloesi cenedlaethol a rhanbarthol, gan gynnwys cefnogaeth gan Innovate UK a rhaglenni Arloesi Hyblyg SMART Llywodraeth Cymru.
Drwy ymgorffori'ch gweithgareddau Ymchwil a Datblygu o fewn canolfan arloesi sy’n cyd-fynd â strategaeth genedlaethol, rydych chi'n cryfhau safle strategol eich prosiect a’r potensial i’w ariannu.
Trwy ein cyfleusterau arbenigol a’n timau o arbenigwyr technegol, hefyd mynediad at arbennigwyr academaidd Prifysgol Aberystwyth ac IBERS, mae gwaith ArloesiAber yn cwmpasu portffolio eang iawn o fio-ddatrysiadau gan gynnwys:
Mae'r gallu amlddisgyblaethol hwn yn gwneud ArloesiAber yn lle dibynadwy i gynnull popeth sydd ei angen arnoch ar gyfer arloesi llwyddiannus, o arbenigedd technegol a gwasanaethau dadansoddol i brototeipio, profion ar raddfa beilot, a dilysu cynnyrch.
Bwyd a Maeth
Mae ArloesiAber yn cefnogi busnesau ar draws y sector bwyd, o ddatblygu bwyd a chynhwysion newydd i ddiogelwch bwyd, maeth a chymwysiadau ym maes iechyd. Mae’r cwmnïau sy'n gweithio yn y meysydd hyn yn elwa o'n labordai sydd o safon uwch, ystafelloedd prosesu, a chysylltiadau ag arbenigedd academaidd.
Yr Economi Gylchol
Rydym yn cymryd rhan ganolog yn yr economi gylchol, gan helpu busnesau i ddatblygu cynhyrchion a phrosesau cynaliadwy, gwastraff isel, a bioseiliedig. Mae hyn yn cynnwys pennu gwerth sgil-gynhyrchion a thechnolegau lleihau gwastraff.
Gweithgynhyrchu Uwch a Gwyddorau Bywyd
Mae systemau bwyd yn ogystal â’r economi gylchol yn gorwedd o fewn cenhadaeth gweithgynhyrchu uwch y strategaeth ddiwydiannol, ac mae ein gwaith ni ym maes maeth ac iechyd hefyd yn cyfrannu'n uniongyrchol at genhadaeth y gwyddorau bywyd. Gall cwmnïau sy'n gweithredu yn y meysydd hyn fanteisio ar ein cyfleusterau i wella perfformiad cynnyrch, dilysu technolegau newydd, a chasglu tystiolaeth er mwyn cael troedle yn y farchnad.
Os oes un peth a all wneud gwahaniaeth pendant i’ch taith datblygu cynnyrch, efallai y dewch o hyd iddo yn ArloesiAber. Rydym yn gweithio'n agos gyda chwmnïau i:
Mae ein seilwaith arloesi wedi'i adeiladu i gefnogi pob cam o'r daith, o’r syniadau cynnar i gynhyrchu peilot a pharodrwydd masnachol.
Os yw'ch busnes yn datblygu cynnyrch, technoleg neu broses fio-seiliedig, ArloesiAber yw’r lle i droi uchelgais yn ganlyniadau. Gan ein bod yn cyd-fynd â chenhadaeth ddiwydiannol Llywodraeth y DU gall hyn olygu bod eich gwaith mewn sefyllfa ddelfrydol ar gyfer cael cymorth arloesi cenedlaethol a rhanbarthol.
Cysylltwch â ni heddiw i ddarganfod sut y gall ein cyfleusterau, ein harbenigedd a'n rhwydweithiau eich helpu i ddatblygu’ch arloesedd ymhellach, ac yn gyflymach!